Azərbaycanın sərbəst güləş üzrə kişi və qadınlardan ibarət yığma komandaları sabah Türkiyənin İstanbul şəhərində start götürəcək beynəlxalq turnirdə iştirak edəcək.

Yaşar Doğunun xatirəsinə həsr olunmuş 38-ci dəfə keçiriləcək ənənəvi tunirdə Türkiyə, Ukrayna, Fransa, Türkmənistan, Tunis, Kanada, İtaliya, Belarus, ABŞ, Slovakiya, Finlandiya, İran, Slovakiya, Monqlustan, Rumıniya, Bolqarıstan və Qazaxıstan idmançıları da iştirak edəcəklər.

Ayın 14-dək davam edəcəm nüfuzlu turnirdə baş məşqçi Saypulla Absaidov və böyük məşqçi Firdovsi Umudovun rəhbərliyi ilə yarışda ölkəmizi Maxmud Maqomedov, Yaşar Əliyev (hər ikisi 55 kq), Ağahüseyn Mustafayev, Zəlimxan Hüseynov (hər ikisi 60 kq), Emin Əzizov (66 kq), Çamsulvara Çamsulvarayev, İbrahim Yusubov (hər ikisi 74 kq), Şərif Şərifov (84 kq), Xetaq Qazyumov (96 kq), Toxtar Temrezov və Aslan Dzebisov (hər ikisi 120 kq) təmsil edəcək.

Qadınların yarışında isə Regina Yarova (51 kq), Sona Əhmədli, Nadiya Qradyuk (hər ikisi 55 kq), Yuliya Radkeviç (59 kq), Olesya Zamula (63 kq), Katerina Dombrovskaya, Zümrüd Qurbanhacıyeva (hər ikisi 67 kq), Nadejda Sementsova və Dina İvanova (hər ikisi 72 kq) güləşəcək. Xanım idmançılarımızı turnirə böyük məşqçi Kurban Kurbanov və məşqçi Arif Fərmanov hazırlaşdırıb.