"Azərbaycanla eyni qrupda olmağımız maraqlı olacaq. Çünki hər iki oyun bir bayrama çevriləcək"

Dünən Polşanın paytaxtı Varşavada AÇ-2012-nin seçmə mərhələsinin püşkatması oldu. Azərbaycan millisi Almaniya, Türkiyə, Avstriya, Belçika və Qazaxıstanla birgə A qrupuna düşdü. Eksklüziv açıqlamalarda ən maraqlı qruplardan biri sayılan A qrupunu yığmaların baş məşqçiləri, federasiya rəsmilər, mütəxəssislər və mətbuat geniş təhlil etməkdədi. Türkiyə mətbuatı adəti üzrə, futbol haqda tez-tez analizlər verən məşhur müğənnilərin, pop ulduzların da fikirlərini öyrənib.

İbrahim Tatlısəs qrup iştirakçılarıyla tanış olduqdan sonra ilk olaraq Azərbaycandan başlayıb: "Azərbaycanla eyni qrupda olmağımız maraqlı olacaq. Çünki hər iki oyun bir bayrama çevriləcək. Qardaş ölkədi. Elə Qazaxıstan da türk dövlətidi. Qrupun ən güclü komandası Almaniyanı sayırsızsa, mən tamamilə ayrı fikirdəyəm. Bu qrupda istənilən sürpriz ola bilər. Qrupun lideri isə Türkiyə olacaq, buna əmin olun".

Tatlısəsin proqnozlarının əksəriyyətinin düz çıxdığını da qabardan Türkiyə mətbuatı xüsusilə bu məqama önəm verib.

Digər məşhur Özcan Dəniz isə qısaca bunları deyib: "Almaniya, Belçika və Avstriya ilə oyunlar çətin olmayacaq. Çünki bu ölkələrdə kifayət qədər soydaşımız yaşayır. Əsas odu ki, Almaniyanı məğlub edək, bundan sonra digər rəqibləri sıradan çıxarmaq asan olacaq. Proqnozum isə Türkiyənin lider olacağıdı".

Sibel Can: "Millimizin Dünya Çümpionatına çıxa bilməməsini hələ də qəbul edə bilmirəm. Türkiyə komandasına elə bir məşqçi gətirilnməlidi ki, futbolçularımızın potensialından tam istifadə edə bilsin. Belə olsa, biz Avropa çepionatına da çıxarıq, çempion da olarıq. Mən buna əminəm".