"Mənim adım qırmızı" romanına görə 2006-cı ildə Nobel mükafatına layiq görülən dünyaca məşhur türk yazıçısı Orhan Pamuk həm də futbol azarkeşidi. Pamuk hətta özünü futbol "xəstəsi" hesab edir:

"Futbolun fəlsəfəsi özünün var olmamağıyla maraq oyadır. Alber Kamyu kimi radikal filosofun əsərlərini oxuyanda sanarsan ki, əyləncə, idman onluq deyil. Amma Kamyu hətta bir neçə il futbolla məşğul olub. Odur ki, mənim də futbola olan marağımı təəccüblü qarşılamaya bilərsiz". Postmodern yazıçı bu sözləri İspaniyanın "El Periodico" qəzetinə müsahibəsində deyib.

Məlum olub ki, dünyanın bir neçə məşhur universitetində çox yüksək məvaciblə mühazirə deyən, mütəlif elmi işlərlə məşğul olan Pamuk futbola da vaxt tapır.

Onun fanatı olduğu klub isə "Fənərbağça"dı: "Sizin ən böyük komandanız "Barselona"dısa, "Fənərbağça" ondan da böyükdü! Pireneydə Türkiyə futbolu haqda bilənlər bilir, bilməyənlərə isə xatırladım ki, bizim ölkədə futbol bir yaşam tərzidi".

"Qar", "Cövdət bəy və oğulları", "Qara kitab", "Yeni həyat" kimi dünyanın 40-50 ölkəsində tərcümə olunub, maraqla oxunan əsərlərin müəllifi olan Pamukun bu qədər futbola bağlı olması maraq doğurmaya bilməz. Yazıçı müsahibəsində azarkeşlik etdiyi komanda haqda diqqət çəkən bir ifadə işlədib:

"Mən bu komandanı çox sevirəm. "Fənərbağça"nı müxtəlif sosial mərtəbəyə aid insanlar dəstəkləyir, çox geniş azarkeş kütləsi var. "Qalatasaray"a əsasən, aristokratlar, "Beşiktaş"ı isə kiçik burjuylar azrkeşlik edir. Yəqin bu komandanın mənə doğma olmasının səbəbi qismən aydın oldu".