Tükiyənin ən qalmaqallaı klublarından olan "Diyarbəkirspor" iflasa uğramaqdadı. Klubun Superliqanın ikinci dövrəsinə qatılmağa maddi imkanı yox səviyyəsindədi. Artıq komandanın əksər futbolçuları Diyarbəkiri tərk edib. Çempionatda yaranmış fasiləylə əlaqədar vətəninə gedən əcnəbi futbolçular da geri dönmək fikrində olmadıqlarını bildiriblər.

Türkiyədə PKK terror qruplaşmasını dəstəkləməkdə tanınan Diyarbəkir regionunun eyniadlı komandası dəfələrlə siyasi ittihamlarıyla ad çıxarıb. Cari mövsümdə də klub Türkiyə Futbol Federasiyasına (TFF) Superliqada onlara qarşı hərtərəfli təzyiqlərin olduğunu iddia edərək çempionatda iştirakını dayandıracağını bildirmişdi. Lakin sonradan baş nazir səviyyəsində məsələyə münasibət bildirilmiş, proseslərin nəticəsi "Diyarbkirspor"un əsassız ittihamlara görə, TFF-dən üzr istəməsiylə nəticələnmişdi.

Ancaq görünür klubunu ən böyük problemi elə maliyyədi. Bu gün məlum olub ki, hətta komandanın baş məşqçisi Ziya Doğan da rəhbərliyə müraciət edərək müqaviləsinin ləğv olunmasını istəyib: "Gördüyünüz kimi, komanda dağılır. Mən də belə durumda düzgün addım atmağa çalışıram. Bu axşam rəhbərlik toplantı keçirəcək, əgər çətinlikdən çıxış yolu tapılmazsa, mən də istefa verməli olacam".