İspaniya yığma komandasının fevralın 11-də İngiltərəylə keçirəcəyi yoldaşlıq oyununa hazırlıq toplanışında Quiza baş məşqçi Visente Del Boskenin qəzəbinə tuş gəlmişdi. Belə ki, futbolçunun keçmiş həyat yoldaşını komandanın məskunlaşdığı oteldə qarşılaması və paparatsilərin bu olayı şişirtməsi Del Boskenin bu futbolçunu bundan sonra yığma komandaya çağırmaması qərarına gəlməsinə səbəb olub: "Quizanın keçmiş xanımını otelə gətirdiyini mənə dedilər, sonradan bildim ki, paparatsilər bunu mövzuya çevirib. Buna görə Qizanı komandadan uzaqlaşdırmaq qərarına gəlmişəm".

Baş məşqçi bu açıqlamanı iki gün əvvəl vermişdi. Bu gün isə İspaniyanın "Cadena Ser" radiosunda Del Boske qəzrarını təkzib edib: "Quizanı intizamsızlıq etdiyini düşünüb komandadan qovmaq istəmişdim. Amma məsələylə daha yaxından maraqlandım və belə qərara gəlmişəm ki, Quiza intizamsızlığa yol verməyib. Onunla fərdi söhbətimizdə problemi aydınlaşdırdıq. Əgər bu futbolçunun ümumiyyətlə, intizamsız olduğunu bilsəydim, qərarımdan yayınmazdım. Qauiza komandamıza lazımlı oyunçudu və düşünürəm ki, paparatsilərin qabartdığı məəsələdə problemli bir şey yoxdu".

Mütəxəssis həmçinin sözügedən futbolçunun DÇ-2010-da çıxış edəcək heyətə daxil edib-etməyəcəyi barədə də fikir bildirib: "Fənərbağça"da qollar vurur, oyunlarını bəzən izləyirəm, Brüsseldə və İstanbulda milli komanda üçün çox faydalı oldu. Mundiala yollanacaq heyət tam şəkildə son anda müəyyənləşəcək. Çünki rəqabət genişdi. Quizanın da formasını saxlaya biləcəyini düşünürəm".