Bahodir Nasimovun het-triki və liderlərin xal itgisi

Premyer Liqasının III turu bu gün başladı. İlk oyun günündə qələbəyə yalnız "Neftçi" qələbə qazanıb. "Ağ-qaralar" "Simurq"a aman vermədi - 4:0. Komandanın özbəkistanlı legioneri Bahodir Nasimov yaxşı oyunuyla və het-trikiylə fərqləndi. Nasimov III turda da qol vurmaqla bombardirlər siyahısında şəriksiz liderliyə sahiblənib.
Turun digər iki oyununda tərəflər xal itgisinə məruz qalıb. AZAL səfərdə "Gəncə"ylə, "Xəzər-Lənkəran" isə "İnter"lə mübarizədə qələbə xalı qazana bilməyib.

Bu nəticələr "Neftçi"yə sərf edib və komanda turnir cədvəlində liderliyi ələ keçirib. Liderin 3 şəriki var.

-----------         -------------           ------------             --------------

Bu gün keçirilən daha 3 qarşılaşmayla III tura yekun vuruldu. "Bakı" ardıcıl məğlubiyyətlərdən sonra "Qəbələ"dən 3 xal ala bilib. "Qarabağ" MOİK səfərindən minimal hesablı qələbəylə dönüb. "Turan" isə "Muğan"ı 2 xaldan məhrum edib.

Premyer Liqa
III tur
21 avqust

"Gəncə" - AZAL - 1:1
Qollar: Junivan, 42 - Nduka, 63
Baş hakim: Elçin Məmmədov

"Xəzər Lənkəran" - "İnter" - 0:0
Baş hakim: Fariz Yusifov

"Neftçi" - "Simurq" - 4:0
Qollar: Bahodir Nasimov, 1; 44; 73; Rəşad Abdullayev, 36
Baş hakim: Elnur Muradov

21 avqust

MOİK - "Qarabağ" - 0:1
Qol: Georgi Adamiya, 82
Baş hakim: Ceyhun Haşımov

"Turan" - "Muğan" - 1:1
Qollar: Peter Kolayode, 55 - Tural Axundov, 57
Baş hakim: Anar Salmanov

"Bakı" - "Qəbələ" - 2:1
Qollar:  Lyubo Baranin, 26-öz qapısına, Jaba, 72 - Deon Barton, 5
Baş hakim: Vüsal Əliyev