"Xəzər Lənkəran"a ən azı Mirça Rednikin gətiriləcəyi gözlənilmirdi. Ancaq rumıniyalı gənc məşqçiylə iki illik müqavilə rəsmiləşib. Dünən isə mütəxəssis komandayla tanış oldu.

Rednikin bundan əvvəlki çalışdırıcılardan fərqi çoxdu. Hər dəfə baş məşqçi postu "Palmali"nin mərkəzi ofisindən sifariş olunurdu. Bu dəfə də belə olub. Ancaq indi Mübariz Mənsimovun şəxsən bu təşəbbüsdə canfəşanlıq etdiyi məlumdu.

Redniklə İstanbulda keçirilən görüşlər "təlim" xarakterli olub. Ona mütləq bir missiya tapşırılıb və göndərilib.

Bu, sıravi azarkeşə də, hadisələrin cərəyanını diqqətlə izləyən jurnalistə də məlumdu ki, Lənkəran klubunda fiasko məqamı yaxınlaşırdı. Müşahidələr məhz Rednikin təyinatı yox, onun bura necə göndərildiyini xeyli təhlil etməyə imkan verir...

Yaxın gələcək üçün planlı təyinatın rıçaqları görünməyə başlayacaq. Adi rumıniyalı məşqçi qeyri-adi addımlarıyla fərqlənəcək. Ancaq əmin ola bilərsiz ki, planın əsas qayəsi diqqət cəlb etmədən işləmək... tapşırığıdı.

..."Xəzər Lənkəran" qəza vəziyyətində olan körpü halındadı. Şəxsən mənə maraqlıdı, Rednik o körpüdə elə hərəkət edə bilərmi qəza baş verməsin.

"Xəzər Lənkəran" hər iki amilin astanasındadı: bəraət, sücaət... Baş məşqçinin görəcəyi iş isə planın A bəndidi - mənə növbəti bəndlərin "tərtibatı" çox maraqlıdı. Gözləyək...

E L Ç ! N