Səfərdə uğursuz oyun və "sülh"

Avroliqa mövsümü açılır. Az sonra  "Xəzər Lənkəran" Moldovanın "Olimpiya" klunuyla Avropa Liqasındakı çıxışına start verəcək. Moldovada oyunöncəsi əhval-ruhiyə yüksəkdi. Oyunun başlaması üçün hər şey hazırdı, "Xəzər Lənkəran"ın start heyəti də açıqlanıb. Buyurun, siz dı izləyin.

"Olimpiya":

12. Sergey Paşenko, 2. Cud Oqada, 5. Nikola Orlovski (k), 9. Georgi Ovsyannikov, 13. Jan Robens Jerom, 14. Andrey Tkaçuk, 15. Aleksandr Keltuyale, 18. Eduard Valuta, 20. Yevgeni Xorolski, 21. İbrahim Kamara, 30. Culius Adamarola.

"Xəzər-Lənkəran":

25. Kamran Ağayev (k), 3. Elvin Begiri, 4. Elnur Allahverdiyev, 12. Allan Lalin, 14. Rahid Əmirquliyev, 15. Emeka Opara, 18. Alim Qurbanov, 21. Radomir Todorov, 22. Davit İmedaşvili, 30. Mario Souza, 72. Ayhan Devran.

- Oyun başladı...

- Və başa çatdı - 0:0

"Xəzər Lənkəran"ın oyununda "Online"lik heç nə olmadığı üçün, belə demək olarsa, futbolpress.az-ın ilk onlayn yayım cəhdi də belə alındı - heç nə...

Kişinyov səfərindən çox şey yazmaq olar, ancaq oyunda hər iki komanda qol epizodunu yamsılamağı belə bacarmadı. Ona görə də, bizim oyuna baxışımız bundan fərqli ola bilməzdi: vacib deyil ki, hər dəqiqə hansısa mənasız faktı sayta atıb oxucunu məlumatlandırasan. Belə "məlumatları" başqa saytlardan da ala bilərdiz...

Futbola tamaşa etmək mədəniyyətində belə, bizdən çox irəlidə olan moldova azarkeşi, klub rəhbərliyi, sadə insanlar da "Olimpiya"nın zəif olduğunu söhbətimizdə etiraf edirdi. Orta yaş həddi 23-24 olan komandanın qarşısında heç bir xarakter nümayiş etdirə bilməyən Mircavadovun"gəmiqayıranları" "evə" arxayın qayıdıb. Futbolçular orda-burda pıçıldayırdılar ki, "Əəə, burda 5-ni "dolduracıyıq" qapılarına..."

Gölə su tökməklə dolsaydı, suyun yerdən sızmağına ehtiyac qalmazdı. "Xəzər Lənkəran"ın ehtiyac qayğısına büründüyü aydın sezilir. Təxirəsalınmaz tədbirlər lazımdı? Yox. Ehtiyac yoxdu. Bu komandada sadəcə lazım olanı yerinə yetirmək gərəkdi, çünki şərait yetərincədi.

Oyundan sonrakı mətbuat konfransında moldovalı həmkarlarımdan birinin Mircavadova verdiyi sual utanmaq üçün xeyli münbit şərait yaradır: "Bildiyimizə görə, klubunuzun 20 milyona yaxın büdcəsi var, bəs niyə oyununuzda bu görünmür?"...