Türkiyənin Antalya şəhərində təlim-məşq toplanışında olan "Neftçi" iki günlük fasilədən sonra hazırlığı bərpa edib. "Mardanspor"u "Atlantis" otelinə dəyişən komanda dünən bir məşqlə kifayətlənib. Futbolçular baş məşqçi Böyükağa Hacıyevin rəhbərliyi ilə keçən hazırlıq prosesində həvəslə çalışıblar.
Bu gün də məşqlərlə kifayətlənəcək payatxt klubu yanvarın 29-da Çeçenistan Respublikasının ilk prezidenti Əhməd Kadırovun xatirəsinə həsr olunmuş beynəlxalq turnirdə ilk oyununu keçirəcək. Komanda Bakı vaxtı ilə saat 20:00-da Ukraynanın "Metallist" klubu ilə görüşəcək.