UEFA Çempionlar Liqasının 1/8 final mərhələsində sürpriz qeydə alınıb. "Real" turnirdəki çıxışını vaxtından əvvəl başa vurub. "Kral Klubu" səfərdə minimal hesabla yenildiyi Lion "Olimpik"inə Madriddə qalib gələ bilməyib.
Gecənin digər maraqlı olayı "Milan"ın başına gəlib. Apennin komandası evdə 2:3 uduzduğu "Mançester Yunayted"ə səfərdə faciəvi hesabla məğlub olub - 0:4.
Qeyd edəe ki, ilk oyun günündə də iki oyun baş tutmuşdu. "Arsenal" səfərdə 1:2 hesabı ilə yenildiyi "Portu"ya məğlubiyyətin əvəzini darmadağınla çıxmışdı - 5:0. "Bavariya" isə "Fiorentina"ya səfərdə 2:3 hesabı ilə məğlub olsa da, evdəki qələbə sayəsində (2:1) növbəti mərhələyə adlamışdı.
Qeyd edək ki, bu mərhələsinin son dörd oyunu martın 16-17-də keçiriləcək.

Çempionlar Liqası
1/8 final
Cavab oyunları

9 mart
Arsenal (İngiltərə) - Portu (Portuqaliya) 5:0
Qollar: Niklas Bendtner, 10; 25; 90. Samir Nasri, 63. Emmanuel Ebue, 66.
İlk oyun - 1:2.

Fiorentina (İtaliya) - Bavariya (Almaniya) 3:2
Qollar: Xuan Manuel Varqas, 28. Stevan Yovetiç, 54; 64 - Marko van Bommel, 60. Aryen Robben, 65.
İlk oyun - 1:2.

10 mart
Mançester Yunayted (İngilərə) - Milan (İtaliya) 4:0
Qollar: Ueyn Runi, 13; 46. Sun Park, 59. Darren Fletçer, 88.
İlk oyun - 3:2.

Real (İpaniya) - Olimpik (Lion, Fransa) 1:1
Qollar: Kriştianu Ronaldo, 6 - Miralem Pyaniç, 76.
İlk oyun - 0:1.

16 mart
23.45 Seviliya (İspaniya) - SSKA (Moskva, Rusiya) (İlk oyun 1:1)
23.45 Çelsi (İngilğərə) - İnter (İtaliya) (İlk oyun 1:2)

17 mart
23.45 Barselona (İspaniya) - Ştuttqart (Almaniya) (İlk oyun 1:1)
23.45 Bordo (Fransa) - Olimpiakos (Yunanıstan) (İlk oyun 1:0)