"İnter"dən "Neftçi"yə 3 qat zərbə

Azərbaycan Kubokunun 1/4 final mərhələsinin ilk oyunlarına start verilib. Birinci oyun günündə cəmi bir qarşılaşma keçirilib. Sumqayıt "Standard"ını qəbul edən "Bakı" rəqibi qarşısında aciz qalıb.

Oyunun baş hakimi Əfqan Həmzəyev nöqsanlara yol versə də, paytaxt komandası zəif rəqibə qarşı özünü sübut edə bilməyib. 59-cu dəqiqədə Fabio Luis Ramim hesabı açıb. Bundan sonra müdafiəyə çəkilən komanda 87-ci dəqiqədə bunun acı qarşılığını alıb.

Az əvvəl "Qarabağ" öz meydanında "Xəzər Lənkəran"a qalib gəldi. Hesabı cənublular açsa da Rəşad Sadıqov və Admir Teli qələbəni təmin ediblər. "Olimpik-Şüvəlan" Zaqatala səfərində "Simurq"la heç-heçə edib. Günün ən maraqlı hesabı paytaxtda qeydə alınıb. "İnter" "Neftçi"ni sıradan çıxarıb. Vaqif Sadıqovun istefasından sonra baş məşqçi təyin olunan Arif Əsədov daha pis nəticələr göstərir.

Azərbaycan Kuboku
1/4 final
İlk oyunlar

6 mart

Bakı - Standard 1:1
Qol: Fabio Luis Ramim, 59 - Amiran Muciri, 88.
Hakimlər: Əfqan Həmzəyev, Roman Vasilyev, Mehman Mahmudov, Rasim Məmmədov.
AFFA nümayəndəsi: Vaqif Davudov.
Hakim-inspektor: Nizami Şərifov.
T.Bəhramov adına Respublika stadionuDigər oyunlar:7 mart

7 mart

Qarabağ - Xəzər Lənkəran 2:1
Qollar: Emeka Opara, 20; Rəşad Sadıqov, 59, Admir Teli 90.
Hakimlər: Elçin Məmmədov, Azər Əsgərov, Mübariz Haşımov, Rövşən Əhmədov.
AFFA nümayəndəsi: Elbrus Abbasov.
Hakim-inspektor: Əhmədağa Cabbarov.

Simurq - Olimpik-Şüvəlan 0:0
Hakimlər: Elnur Muradov, Eldar Nağıbəyov, Azad Q.Hüseynov, Ceyhun Haşımov.
AFFA nümayəndəsi: Rauf Hüseynli.
Hakim-inspektor: Novil İsmayılov.

Neftçi - İnter 0:3
Qollar: Robertas Poşkus, 50, 88; David Odikadzae,72
Hakimlər: Vüsal Əliyev, Ramiz Əsədov, Orxan Məmmədov, Anar Salmanov.
AFFA nümayəndəsi: Qürbət Həsənov.
Hakim-inspektor: Səfər Haşımov.