Azərbaycan milli komandası dünən Lüksemburqla yoldaşlıq oyunu keçirib. Qarşılaşma günü FİFA-nın son reytinq açıqlamasında millinin irəliləməsi müşahidə olunmuşdu (109-cu yer). "Cırtdan ölkə" ilə ilk dəfə qarşılaşan komanda qələbə qazanıb.

Oyunun 28-ci dəqiqəsində gənc Fərid Quliyev rəqibini səhvini qolla yekunlaşdırıb. "Cırtdanlar" standart vəziyyətdən hesabı tarazlasa da, tezliklə Elvin Məmmədov başı ilə qol vurub. Sonrakı dəqiqələr aşağı tempdə keçib.

Bu oyunda komandanın əsas qapıçısı Kamran Ağayev ağır zədə alıb. Buna görə, 21-ci dəqiqədən sonra qapını Fərhad Vəliyev qorumalı olub.

Lüksemburq - Azərbaycan - 1:2
Qollar: Fərid Quliyev, 28; Ştrasser, 34; Elvin Məmmədov, 37

Heyətlər:
Lüksemburq: Conatan Juber, Qay Bleys, Tom Şnell, Ceff Ştrasser, Rene Peters, Kim Kintziger (Massimo Martino, 65), Erik Hoffmann (Ben Payal, 68), Matias Yaniş, Mario Mutç, Jill Betmer (Daniel Da Mota, 54), Joel Kitenqe

Azərbaycan: Kamran Ağayev (Fərhad Vəliyev, 23), Rail Məlikov, Maksim Medvedev, Rəşad Sadıqov (k), Ruslan Abışov, Aleksandr Çertoqanov (Saşa Yunisoğlu, 46), Samir Abbasov, Mahir Şükürov, Elvin Məmmədov, Rauf Əliyev (Fabio Luis Ramim, 58), Fərid Quliyev

Sarı vərəqələr: Maksim Medvedev, 25; Aleksandr Çertoqanov, 33; Matias Yaniş, 42; Mahir Şükürov, 75; Payal, 77
Baş hakim: Kari Petteri (Finlandiya)
Hakim-köməkçiləri: Mikko Alakare, Conas Turunen (hər ikisi Finlandiya)
Ehtiyat hakim: Bruno Qomes (Lüksemburq)
3 mart. Lüksemburq şəhəri. "Joze Bartel" stadionu