Bildiyimiz kimi, Türkiyə Avro-2016-ya "ev" sahibliyi etmək istəyir. Bu məqsədlə Türkiyə Futbol Federasiyası mötəbər yarışa namizdəliyin qəbul olunması üçün indidən təbliğat-təşviqat kampaniyasına başlayıb. Layihə rəhbəri və federasiya rəsmilərindən ibarət xüsusi heyət Litvadan başlayaraq bir neçə ölkəyə səfər edib, görüşlər, tədbirlər keçirməyi planlaşdırır.

Yanvarın 15-də İsveçrənin Nyon şəhərində yerləşən UEFA-nın mənzil qərargahında keçirilən təqdimetmə mərasimində təşkilatçılıq üçün lazımlı sənədələr və görüləcək işlərdən bəhs edən videoroliki təqdim olunub.

Layihənin 13 nəfərdən ibarət icraçı qrupu federasiyanın prezidenti Mahmud Özgener, onun müavini Lütfi Arıboğan, idarə heyətinin üzvü Zəfər Yıldırım və layihənin rəhbəri Orhan Qorbondan ibarət nümayəndə heyəti aprel ayınadək 13 ölkədə olacaq. Məqsəd bu ölkələrdən dəstək almaqdı.

Səfər çərçivəsində heyət Madrid, Amsterdam, Tel Əviv, London, Berlin, Bratislava, Kopenhagen, Kiyev , Lefkoşa, Vilnüs, Valetta və lissabonda olacaq. UEFA-nın Türkiyənin namizdəliyini qəbul etməsi məhz bu görüşlərin səmərliliyindən asılı olacaq.

Bildirək ki, UEFA Avro-2016-ya "ev" sahibliyi etmək istəyən ölkələrin namizədlik sənədlərini 3 ay ərzində yoxlayacaq. Problemlər aşkaralanarsa, martın 19-dan sonra müvafiq federasiyaya bu barədə məlumat veriləcək. Aprelin 7-15-də isə namizəd ölkələrin toplantısında yekun müzakirə olacaq. Həmin toplantıda UEFA-nın çıxardığı qərarlar aprelin 29-dək federasilara çatdırılacaq. Mayın 28-də isə Cenevrədəd keçiriləcək səsvermə nəticəsində təşkilatçı ölkənin adı açıqlanacaq.