"Fənərbağça" ilə derbi qarşılaşmasından sonra zədə səbəbindən oynaya bilməyən Milan Baroş artıq sağalıb. "Qalatasaray"ın əsas qolçularından olan çexiyalı hücumçu fevralın 28-də keçiriləcək Superliqanın XXIII turunda "Kasımpaşa" ilə qarşılaşmada oynaya biləcəyi xəbər verilir.

Şabani Nondanın satılması, Baroşun yoxluğu "Sarı qırmızlıların" qol sıxıntısını artırmışdı. Çex hücumçunun heyətə qayıtması Avroliqadakı mübarizədə faydalı olacaq. Xüsusən, yeni transfer Jo ilə aralarındakı rəqabət komandanın oyununa müsbət təsirini göstərəcək.

Bu arada, komandanın baş məşqçisi Fran Raykaard Madrid "Atletiko"suyla Avroliqadakı cavab qarşılaşması öncəsi mətbuat konfransı keçirərək komandanın son durumunu müzakirə edib. İspaniya təmsilçisinin heyətində qol vuran futbolçuların çoxluğunu qabardan hollandiyalı mütəxəssis həmin oyuna hansı heyətlə çıxacaqlarını diqqətlə analiz etdiklərini deyib: "Heyətdə zədəli futbolçuların "Atletiko" ilə oyunadək bərpa olunacağını dəqiq deyə bilmərəm. Buna görə, bəzi oyunçularımızın heyətə salınmasını yalnız qarşılaşmaya bir neçə saat qalmış dəqiqləşəcək. Əsas odu ki, fiziki durumu ideal səviyyədə olanlar heyətə düşəcək".

Raykaard həmçinin Sərvət Çətinlə aralarında yaranan mübahisəyə görə verilən "Sərvət Oynayacaqmı?" sualına "Bəlkə..." cavabını verib.